كتابات أخرى للكاتب على موقع الناس

الأربعاء 19/5/ 2010

بسمار سامي عبد المنعم همت بيك الجبال وكل الاهوار وگطعت ادروب ماهمتني الحدود جبتلك كل مواويلي والاشعار او تمنيتك گبل ما ينشف العود حسبتك اتوافي او تاخذ الثار وترجع اسنين عمري الراح فرهود بديتك على الخوان والجار او سلمتك حياتي وتعب الزنود ضنيتك اتفيض ابروحي انهار واتسكت الشماته وحچي المنگود چوياتك بعدها ابگلبي تذكار او هذني اجروحك الماطابن اشهود دمع عيني اليهل كل يوم مطار لاجل فرگاك جرح هاي الخدود تنيتك والگلب مليان زنجار گلت بلكي ابتوالي العمر واتجود او بقيت انتظر طول الوكت محتار وبحبل الوفه وياك مشدود شفت حبلك طويل او بعده جرار او دربك بس گزاز او باب مسدود گتلك لا اتئمن الوكت دوار ايصعدك للسمه واينزلك اردود دخيلك لا اتخليني احچي الاسرار اسنين انت انفخت بجراب مسرود لوانك جرح چازريتك ازرار او لوانك ماي چا صرت انه السدود لكن بالگلب مدگوگ بسمار او كل يوم اليمر لچماتك اتزود انه ابلياك خشبه ابغير نجار ابد غير الحطب مابيها كل فود ادري ارماد تالي اتخلف النار او مو كلمن ايكض التفگه صايود امام الما ايشور ما اله زوار او جسم الماتحرك ياكله الدود حلو امن اتموت شاخص مثل الاشجار مو مثل الهرش عالگاع ممدود دگلي اشحصلينه ابذيچ الاسفار اتريد انصالحك ونردلك اردود اذا ما چان جرحك جرح ثوار منو اليحزن عليك او يلبس السود